Marathi Kavita : आठवण

Marathi Kavita : आठवण

हृदयाच्या कप्प्यात केली 
भूतकाळाची साठवण…..
शब्दात सांगायचे झालें तर
त्याला आपण म्हणतो आठवण…… 

गतकाळातील अनुभवातून 
मिळते जगण्याची शिकवण…… 
स्वप्नांच्या दुनियेत रमणाऱ्या मनाला 
वास्तवाची जाण करून देते ती आठवण……
 
कधी आनंद, कधी दुःख 
संघर्षमय हे असे जीवन…..
अपयशाने खचलेल्या मनाला 
उभारी देते ती आठवण…… Marathi Kavita : आठवण

परमोच्च आनंदाचे काही क्षण 
जीवनाच्या पुस्कातील सोनेरी पान….. 
आयुष्याच्या संध्याकाळी एकटेपणात 
साथ देते ती आठवण…… 

प्रेमाच्या अन रक्ताच्या नात्याचे 
कुण्या दूर गावी असतात आप्तजन….. 
विरहाच्या दुःखात त्यांच्या 
आधार देते ती आठवण…. 

आयुष्याच्या सागरात 
होते सुखदुःखाची साठवण….. 
शब्दात सांगायचे झालें तर 
त्याला आपण म्हणतो आठवण…… 

Marathi Kavita : आठवण

असे असावे प्रेम

marathi kavita

नको करू प्रेम वेड्यासारखा,आवर तुझ्या वेड्या भावनेला
नको करू अतिरेक भावनेचा, मुकशील प्रेमाच्या अस्तित्वाला

वाटते भिती प्रेमाच्या भरतीची, वाहुनी जाईन त्या महापूरात
असूदे प्रेम निर्झरा खळखळणारा,धुंद होईन त्याच्या संगीतात

भयभित करते तूफान प्रेमाच, होऊन जाईन मी त्यात उध्वस्त
असूदे प्रेम धुंद मंद वारा, जाईन शहारूनी त्या सुखद स्पर्शात

थरकाप करे आग प्रेमाची, वणवा होऊनी करेल मज भस्मसात
असूदे प्रेम समईतली ज्योत, जाईन न्हाऊनी त्या मंद प्रकाशात

थिजवी प्रेमाची अतिवृष्टी, होऊनी जलमय गुदमरेल जीव त्यात
असूदे प्रेम श्रावणी जलधारा, भिजुनी जाईन इंद्रधनुच्या रंगात

प्रेम असूदे स्पटिकासम नितळ, सप्त सूरांचं सुरेल गाणं
अविचारांचा स्पर्श न ज्याला ते बाळ निरागस गोड शहाणं

Marathi Kavita : असे असावे प्रेम

Marathi Kavita : तुझी आठवण

marathi kavita

तुझ्या आठवणी मनाच्या पुस्तकात
गुलाबाची फूल बनून राहिल्या
जाई जुईचा गजरा माळून
त्या मलाही फुलवत राहिल्या

कधी कंगनांची किणकिण
कधी पैंजणांची छुमछुम
कधी स्पंदनांचे नाद बनून
मनामध्ये वाजत राहिल्या

त्या आठवणींच्या झुल्यावर
मग मी झुलत राहिले
आकाशी उंच झेप घेता घेता
नभीचे चंद्र तारे वेचत राहिले

कुणास ठाऊक काय झाले
आकाशी त्या मेघ दाटून आले
वादळाच्या त्या वावटळीत
सर्व नादच विरून गेले

आता मी आहे आणि तुझी
आठवण आहे
माझ्या विरक्त जीवनात
तेवढीच आता साठवण आहे

Marathi Kavita : तुझी आठवण

Author : Shubhangi

Marathi kavita

खालील लेख वाचा

चैतन्य यांचे आणखी लिखाण वाचा – रक्षाबंधन २०२०
Made In India Smartphone Review वाचण्या साठी क्लिक करा

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

As you found this post useful...

Follow us on social media!

Leave a Comment

Your email address will not be published. Required fields are marked *