काव्यबंध या मराठी काव्य स्पर्धेसाठी आदित्यकुमार सुहास इंगळे यांची -सैनिकां…- हि कविता -देश प्रेम कविता- या विषयावर असून एक Desh Prem kavita आहे
सैनिकां | Desh Prem Kavita 2023
सैनिका कसं काय जमत रं
तुला देशासाठी लढायला..?
स्वतःचा कसलाही विचार न
करता दुश्मणांना भिडायला..!
रात्रंदिवस बर्फात असतो म्हणे
थंडी नाही का वाजत..?
असतोस तू बंदूक घेऊन
उभा त्या वाळवंटात
तुझे पाय नाही का दुःखत..?
तुझी ती लहान मुलगी
वाढदिवस आहे माझे बाबा
आज घरी येणार म्हणून
वाट पाहत असते..
तू सांगतो सुट्टी मिळतं नाही
म्हणून तिच्या पोटी ह्याही
वर्षी निराशाच असते..
ह्या रक्षाबंधन ला माझा
दादा नक्की येणार म्हणून ती
आरतीचं ताट घेऊन उभी असते..
तूझी चिट्टी येते ताई येनं जमत नाही
म्हणून तिच्या पदरी ह्याही
रक्षाबंधनला निराशाच असते..
तुझ्या आई बाबांचा जीवातजीव
नसतो माझा मुलगा कसा असेल..?
एक फोन असाही येतो की
ज्यांची त्यांना कल्पनाही नसेल..!
तुझ्या त्या निरागस बायकोला
कधी वाटलंही नसेल..?
लग्नाचा वाढदिवसाचा दिवस
तुझा शेवट असेल..!
तिच्या कपाळावर तू लावलेलं कुंकू
आता तिला कधीच नाही दिसेल..
तू देशासाठी शहिद होतो
गावामध्ये तुझी अंतयात्रा येते..
लहानपनि ज्यांच्या सोबत खेळला
आज त्यांनाचं खांदा घ्यायची वेळ येते..
एवढं कसं काय जमतं रं
तुला देशासाठी लढायला..?
स्वतःचा कसलाही विचार न
करता दुश्मणांना भिडायला..!
सैनिका या देशातल्या लोकांना
सांगावं वाटतं मज्जीद मंदिरा
वरून वाद करून दंगलीत
लढणं म्हणजे देशप्रेम नसतं..!
तर रक्ताच्या परिवाराला दूर करून
दुष्मणांनाच्या नरडीतला रक्ताचा
घोट पिउन आपल्या मायचं रक्षण
करणं म्हणजे देशप्रेम असतं..
अच्छे दिन आयेंगे म्हणून
जनतेला खोटी आश्वासन देण
म्हणजे देशप्रेम नसतं..!
तर माझ्या देशातला प्रत्येक
नागरिक हा सुरक्षित राहावा
म्हणून 24 तास त्या वाळवंटात
हातात बंदूक घेऊन उभ
राहणं म्हणजे देश प्रेम असतं..
शेवटी शूर वीर दादा काका पुतण्या
भाई कुणालाही म्हटल्या जातं..
पण वीर पर्मवीर चक्र कमवायला
वाघाचचं काळीज लागतं..
सैनिकां | देश प्रेम कविता | Best Desh Prem Kavita 2023
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह
सैनिकां | देश प्रेम कविता | Best Desh Prem Kavita 2023