काव्यबंध या मराठी काव्य स्पर्धेसाठी श्री जयद्रथ आत्माराम आखाडे यांची -प्रेम पहिल्या भेटीतले- हि कविता -माझे पहिले प्रेम- या विषयावर असून एक Pahile Prem kavya आहे
प्रेम पहिल्या भेटीतले | Pahile Prem kavya
तुझी माझी पहिली भेट
झाली शाळेच्या कट्यावर
पाहतोच राहिलो मी तुला
नव्हतो तेव्हा मी भानावर. …१
नुसतीच नजर फिरफिरणे
थोडेच गालात हसू उमटणं
डोळ्यानेच तो इशारा करणे
स्वत:च मनातून आनंदी होणं …२
असेच चालू होते किती दिवस
दोघेही होतो अजाणते प्रेमात
इशा-यातच होत असू आनंदीत
वेगळेच प्रश्न येत होते मनात ….३
अशी अबोल प्रेमाची व्दिभाषा
अधिर झालेल्या तिच्या मनातली
स्मित हास्यातले तिचे ते इशारे
पहिलेच पहात होतो अंतरातली …४
तो भास होता की अभास होता
मलाच कळेना कांहीच मनातले
घेतला श्वासातला श्वास अखेरी
जाणून घेतले तिच्या ह्रदयातले ..५
मी पाहिलेले ते कालच्या स्वप्नातले
गोड गुलाबी मखमली ओठातले
ओळखले अबोल शब्द,शब्दातले
बहरलेल्या तारुण्याच्या प्रीतीतले …६
चाहूल लागताच मग या प्रीतीतली
ती मनात जराशी,हळूच बावरली
घडू लागला तो बदल चेह-यावर
प्रेमाच्या झोपाळ्याने थोडी गहिवरली ..७
चूकला मग काळजीचा ठोका
चेह-यावर उमटलेल्या भावनांचा
घेतला. आराखडा मी मोजण्यास
हा आलेख होता माझ्या आयुष्याचा…८
घेतल्या शपथा,दोघांनी अनाभाका
राहू दोघे मिळून,नाही दुरावला कुणाचा
घेऊन हातात हात मवू स्पर्शाने
सोडला सारा विचार त्या जगाचा …९
ती म्हणाली निरखून भाव मनातले
नुसतीच लागली होती ओढ मला
आता डोळ्यातले हावभाव मोजले
संपला दुरावा ह्रदयाच्या अंतरातला ..१०
प्रतिबिंब मी पाहिले तिच्या नेत्रात
ओघळले अश्रू टपो-या डोळ्यातून
का कोण सांगे अर्थ तिच्या अश्रूंचा
ठेवेल काय सुखी,जाईल फसवून …११
मन माझे राहवेना,सांगे पुन्हां पुन्हा
हे पहिलेच करतो आहे प्रेम तुझ्यावर
कशाला प्रश्न विचारु मी मना मना
नको प्रेमभंग,,ठेव विश्वासार्ह माझ्यावर. …१२
प्रेम पहिल्या भेटीतले | माझे पहिले प्रेम | Best Pahile Prem kavya 2023
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह