सौ. सुवर्णा पवार यांची साप्ताहिक काव्यलेखन स्पर्धेत Poem for granddaughter from Grandma विषयावर रजिस्टर झालेली उत्कृष्ट कविता येथे वाचा.
Poem for granddaughter from Grandma
काव्य बंध आयोजीत स्पर्धा करीता कविता
दि . १४ सप्टें: २०२३
माझी छकुली आरू | Poem for granddaughter from Grandma
मला झाली दोन सुंदर मुले
दोन मुलांना झाली दोन मुली
नातीची लाडकोड करणेत
माझा साराच वेळ जायचा मुळी .
फिरू लागली साऱ्या घरभर
आजीची ही छकुली आरू,
बागेत , मंदिरात , कोपऱ्यावर
तिला मी कुठे कुठे फिरवू .
छोट्या छोट्या पावलानी कशी
ती सगळीकडे भरभर धावायची,
तिच्या पाठीमागे धावून पकडताना
माझी मात्र सारखी तारांबळ उडायची .
हळूहळू बोबडे बोलाने बोलू लागली
बोबड्या बोलानी आपलेसे ती करायची,
तीचे बोबडे बोल ऐकून मी मात्र
बोबड्या बोलातच मी ही बोलायची .
दोघी आम्ही खेळ खेळताना
कधी कधी बसायची लपून
पैंजणाच्या तालावर तिच्या
मी ही दारामागे बसायची छपून.
वेणी फणी तिची करताना
मला मात्र मज्जा वाटायची ,
कंगवा मात्र आरू घेऊनी
माझेच केस छान विंचरायची .
पावडर तिट लावताना तिला
माझ्या डोळ्यात डोळे घालायची,
मला मात्र बोटावर काजळ घेऊन
गालावर मलाच हळूच लावायची .
चिऊ काऊचा घास भरवताना
गाणे म्हणायला मला लावायची ,
रोज एक गोष्ट ऐकूनच छकुली
माझ्या कुशीत छान झोपायची .
छकुली कडे पाहताना मला
माझे बालपण आठवायचे .
याच मनोहर सुखासाठी
नयनात सुखाचे अश्रू दाटायचे
अशी माझी छकुली आरु
सौ सुवर्णा पवार
इचलकरंजी
Poem for granddaughter from Grandma
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह