सांजवेळ हि अशी वेळ आहे कुणाला हवीहवीशी वाटते तर कुणाला नकोशी. पण त्यावेळी जी शांतता अनुभवता येते ती कुठल्याच वेळेला अनुभवता येईल असे वाटत नाही. सांजवेळ होता दारी (Poem on Evening In Marathi) या कवितेतून कवीने एका आई हरवलेल्या बाळाच्या संध्याकाळचे वर्णन अतिशय जिवंत शब्दांमध्ये केले आहे.
सांजवेळ होता दारी | Poem on Evening In Marathi
सांजवेळ होता दारी
दिवा लागतसे घरी,
चिंब भरल्या अभाळी,
खाली झोपडी गळकी..
झोपडीच्या उंबऱ्यात,
बसे बाळ कुणाचा,
सुकल्या मलूल गालावरी,
ओघळ रे आसवांचा…
पक्षी येती घरट्यात,
चारा पिलांच्या रे मुखी,
बाळ उपाशी तापाशी,
ओढ आईच्या भेटीची,
सांजवेळी एक सावली,
हळू चालत रे येई,
नजर भिरभिरतसे
बाळाचा ती शोध घेई…..
सांजवेळ होता दारी | Short Poem On Evening in Marathi
बघता ती सावली,
बाळ धावत रे जाई,
गर्भ रेशमी सांजवेळी
भेट ओल्या आसवांची….
चिंब भिजल्या मिठी मध्ये,
ओलावा सोनसळी,
फिका स्वर्ग त्या पुढें
ज्याला लाभली माऊली,…
तोच पदराची गाठ,
आई हळूच सोडवी,
खाऊ देत हाता मध्ये,
मुका बाळाचा ती घेई….
सांजवेळ होता दारी | Short Poem On Evening in Marathi
अंधारल्या सांजवेळी,
समई ही पेटत असे,
मिणमिणत्या प्रकाशी,
चुलीलाही जाळ लागे,..
जळक्या भाकरीवरी ,
ठेचा मिरचीचा छान दिसे,
जाता घास पोटा मध्ये,
खुदकन बाळ हसे….
माया आईच्या कुशीची,
तीला सर कशाची,
आधी सांगतसे गोष्टी
मग गाई अंगाई….
सूर्य देव येता दारी,
आई जात असे दुर.
भारल्या आसवांनी
बाळ देतसे निरोप…
सांजवेळ होता दारी | Short Poem On Evening in Marathi
होता सांजवेळ पुन्हा,
बाळ बसतेस अंगणात,
झोपडीत लागे दिवा अण्
अंधार काळजात…..
वाट पाहता आईची,
डोळे भरून येतात,
येतो आठव मनात,
अश्रू हळू ओघळतात…
नाही राहिली आई आता,
बाळ बसे उंब्ऱ्यात
येता भरून आभाळ,
सांजवेळ भिजते आसवांत…
कवी :- श्री. अभिजित बागुल
8275159813
वाचा लग्न म्हणजे काय असत कविता : – Marathi Kavita On Marriage
वाचा लेकीवर लिहिलेली अतिशय सुंदर कविता :-Mulgi Marathi Kavita On Daughter
आमच्या वेबसाईट वर आम्ही अशाच प्रकरचे दर्जेदार साहित्य मराठी वाचकांपर्यंत पोहोचवण्याचा प्रयत्न करत असतो. जर तुम्हाला आमचे हे प्रयत्न आवडले तर आम्हास नक्की कळवा.
संपर्क :- +91 7020965224