अनिता मधुकर भोई आणि डॉ. मानसी पाटील यांच्या साप्ताहिक काव्यलेखन स्पर्धेत Raksha Bandhan Marathi Shayari विषयावर रजिस्टर झालेल्या उत्कृष्ट कविता येथे वाचा.
Raksha Bandhan Marathi Shayari
रक्षाबंधन | Raksha Bandhan Marathi Shayari
काव्यबंध समूह
काव्य लतिका स्पर्धा
दिनांक :-17/8/2023
असे बंधन पवित्र
रक्षाबंधनाचे एक
नाते बहिण भावाचे
असे लाखातच एक
येता नारळी पौर्णिमा
येई माहेरवाशीण
आपल्याच भावाकडे
येता राखीचा हा सण
मन येतील जुळून
बंध होती मजबूत
रक्षा करण्या नेहमी
भाऊ बहिणी सोबत
भेट मिळे ग भावाची
बहिणीला ती अनोखी
असे लाख ग मोलाची
बहिणीची असे राखी
अनिता मधुकर भोई कुरूंदवाड (कोल्हापूर)
———————————-
हळवे रेशीम बंध | Raksha Bandhan Marathi Shayari
काव्य बंध समूह
काव्यलतिकेसाठी
दि १७/८/२३
विषय: रक्षाबंधन
भारतीय संस्कृतीचा
एक मनस्पर्शी क्षण
भाऊ बहिण नात्याचा
रक्षाबंधनाचा सण ….१
बहीण भावाची माया
आज ओसंडे राखीतून
नाते अतूट प्रेमाचे
व्यक्त होते धाग्यातून….२
नाते बहीण भावाचे
हळव्या रेशीम बंधाचे
अत्तराच्या कुपीसम
दरवळणाऱ्या गंधाचे…३
आईचे रूप असे बहीण
काळजीरूपी वाटे धाक
मायेचे तिच्या सदा अप्रूप
येई धावत मारताच हाक….४
अतूट विश्वासाचे नाते
बहीण लावी भावास टिळा
लाभो यश कीर्ती भावास
गवसणी घालू दे आभाळा…५
औक्षण करिती उजळून
निरांजनाच्या दोन वाती
निरंतर फुलत राहो
दोघांमधील अतूट प्रीती….६
नितळ निरागस नाते
आयुष्यभरासाठी जपावे
माया ममता जिव्हाळा
अखंड उरी साठवावे……७
दूरदेशी माझा भाऊ
कशी बांधू तुज राखी
रक्षाबंधनाच्या दिवशी
सय येते तुझी सारखी…..८
तुझी आठवण येता
पापणकाठ ओलावतो
तुला भेटण्याची ओढ
जीव माझा आसावतो….९
©️®️ डॉ मानसी पाटील मुंबई
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह