उज्वला सहस्रबुद्धे आणि सौ रश्मी पोतदार यांच्या साप्ताहिक काव्यलेखन स्पर्धेत Raksha Bandhan Marathi Wishes विषयावर रजिस्टर झालेल्या उत्कृष्ट कविता येथे वाचा.
सागर हाच बंधू…. Raksha Bandhan Marathi Wishes Kavita
श्रावणाचा उत्कटबिंदू ,
असे नारळी पौर्णिमा !
सागराला भरती येई,
जाणू त्याचा मनी महिमा!….१
सागर हाच बंधू माझा,
आहे अपार अथांग !
बहिण भावाच्या मायेचे,
तेच आहे अंतरंग !…२
निसर्गाची साद आहे,
आधार हाच बहिणीचा!
सागरासम अनंत आहे,
धागा हाच नात्याचा …..३
रेशीम धागा गुंफून घेई,
नाते बहिण भावाचे !
मृदू,चिवट रेशीम धागे,
बंध बांधती मनाचे !…४
नात्याचे गूळ खोबरे,
एकजीव होई शिताशितात!
गोडी त्याची असे अवीट,
तृप्ती देई मनामनात!….५
उज्वला सहस्रबुद्धे, पुणे
रक्षाबंधन | Raksha Bandhan Marathi Wishes Kavita
बहिण भावाचे नाते
असेच जपूया छान
त्यामध्ये राखू आपण
एकमेकांचा रे मान
रक्षाबंधनाला येशील का?
सांग ना रे भावा
तुझ्यासाठी नेहमीच करते
मी आर्त धावा
रक्षा कवच तुझे
नेहमी असेच हवे
संकट समयी भावा
तूच माझ्यासाठी धावे
रेशमा सारखे नाते
राहो आपले प्रेमळ
तुझे आणि माझे प्रेम
राहो असेच निखळ
ये ना भावा तू
नेहमी फक्त माझ्यासाठी
होतील यानिमित्ताने आपल्या गाठीभेटी
मोठा भाऊ म्हणून
कर्तव्य पार पाडतोस
आमच्या दोन्ही बहिणींना
खूप छान सांभाळतोस
पोस्टाने राखी मी
नाही पाठवणार तुला
तुझी आठवण खूप
येते रे भावा मला
राखी पौर्णिमेनिमित्त
होईल रे आपली भेट
हातालाच राखी बांधील
म्हणते मी तुझ्या थेट
लहानपणीचा मला तो
राखी पौर्णिमा सण आठवला
त्यातला प्रत्येक क्षण
हृदयात आहे मी साठवला
कधी येते राखी पौर्णिमा
असे वाटू लागले
प्रत्येक क्षण प्रत्येक दिवस
तुझ्या आठवणी कडे वळले
तू ये ना दादा
नेहमी राखी पौर्णिमेला
नाही दुसरी कसलीच अपेक्षा
तुझ्या वेड्या या बहिणीला
वेडी बहीण तुझी
क्षणोक्षणी वाट पाहते
तुझ्याच प्रेमात ती
नेहमी हसत राहते
सौ रश्मी पोतदार❣️
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह