नाळ आणि पोशिंदा | 2 Best shetkari jagacha poshinda kavita in marathi

ज्ञानदेव लक्ष्मणराव डिघुळे आणि गजानन दशरथ पोटे यांच्या साप्ताहिक काव्यलेखन स्पर्धेत shetkari jagacha poshinda kavita in marathi विषयावर रजिस्टर झालेल्या उत्कृष्ट कविता येथे वाचा.

नाळ | shetkari jagacha poshinda kavita in marathi

काव्यलतिका
विषय~शेतकरी
शीर्षक~नाळं

नाळ आणि पोशिंदा | 2 Best shetkari jagacha poshinda kavita in marathi

करी शिवार तयार बीज मातीत पेरतो ।
खता बियाणं पोट काळ्या आईचं भरतो ॥


देतो झोकुन मातीत होतं नव्हतं ते सारं ।
नाही शिवत मनाला नफ्या तोट्याचा विचार ॥


रोज शेतात राबतो उभा घामानं नहातो ।
नित हिरव सपान शेतीमातीत पाहतो ॥


येत आभाळ भरून अशी धरणीची माया ।
पुरवाया तिची आस घन लागे बरसाया ॥


बीज रुजता रुजता कोंब येई टरारून ।
रान ओसाड ओसाड जाई पिकानं भरून ॥


मग श्रावण मासात पाठशिवणीचा खेळ ।
कधी सरीवर सरी कधी नुसतं आभाळ ॥


त्याच्या पाठशिवणीनं जीव होई कासावीस ।
नाही उतरत गळी मुखी भरलेला घास ॥


रान सुकलं सुकलं रोज पाही निरखुन ।
घाव दैवानं घातला कधी येईना भरून ॥


जरी झाला बरबाद दुःख आतच दाबतो ।
नव्या उभारीन पुन्हा शेती कामाला लागतो ॥


पुन्हा फुला याशिवाय करी नवीन जुगाड ।
जुन्या मुद्दल व्याजाला नव्या कर्जाची जोड ॥


असं अतूट बंधन त्याची शेतीशी रं नाळ ।
नाही तुटता तुटत जरी पडला दुष्काळ

………………………………………..
ज्ञानदेव लक्ष्मणराव डिघुळे.
भालगांव . छत्रपती संभाजीनगर .

पोशिंदा | shetkari kavita in marathi

काव्यलतिका
विषय -शेतकरी

||पोशिंदा ||

पोशिंदा | 2 Best shetkari jagacha poshinda kavita in marathi

या सृष्टीचा पोशिंदा हा बळीराजा
या धरणीचा लेक तो साजरा
या धरतीचा असे तो खरा राजा
तोच पोसतो आहे हा संसार सारा

घामाचे मोती पडतात शेतात
काळ्या मातीतून मोती उगतात
हिरव्या रानात पक्षी गातात
शेतकरी वाढवीतो पीक आनंदात

सखा नंदी त्याचा राबतो संगे त्याच्या
जीव शेतकऱ्याचा यांच्यात फार
संगतीला असे सर्जा संगे राजा
माया करतो तो त्यांच्यावर अपार

उगवतो तो प्राण्यांसाठी गवत
किडे जगतात खाऊन पान
पाखरे दाणे खाऊन जगतात
हा पोशांदा आहे जगात महान

दुष्काळाचा मार कित्येकदा करतो सहन
धान्याला त्याच्या भाव मिळतो दमडीमोल
पोशिंदा हा कधी कधी उपाशी असतो
त्याच्या जगण्याची असते कमाल

बळीराजाचा बळी का जातो
हा सृष्टीचा पोशिंदा का मरतो
सर्वांना हव ते तो देतो
हा पोशिंदा नशिबापुढे हार मानतो

अस्मानी आणि सुलतानी संकट
शेतकऱ्यांवर करतात वार
दुष्काळात लागते त्याची वाट
शेतकऱ्यांसाठी असायला हवं हक्काच सरकार

गजानन दशरथ पोटे
अकोला

पोशिंदा | shetkari jagacha poshinda kavita in marathi

shetkari jagacha poshinda kavita in marathi

THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.

https://wa.link/ag8iy7

नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.

कविता स्पर्धा Kavita Lekhan Marathi KAVITA SPARDHA MARATHI


आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह

Leave a Comment

Your email address will not be published. Required fields are marked *