सौ. रोहिणी अमोल पराडकर आणि सौ. शुभांगी सुभाष धुमाळ यांच्या साप्ताहिक काव्यलेखन स्पर्धेत shetkari jagacha poshinda kavita विषयावर रजिस्टर झालेल्या उत्कृष्ट कविता येथे वाचा.
शेतकरी माझा बाप | shetkari jagacha poshinda kavita
काव्यबंध समूह
काव्यलतिका
प्रत्येक गुरुवारी होणारी स्पर्धा
स्पर्धेसाठी ……
दिनांक:- ३१/०८/२०२३
विषय :- शेतकरी
शिर्षक शेतकरी माझा बाप
बाप माझा आहे शेतकरी
शिवारात कष्टकरी दिनरात
लाखोंचा पोशिंदा बळीराजा
राबतो शेतात अहोरात
फुलवून शेतमळा पिकांचा
आयुष्याच्या वळणावरी
स्वतः उपाशीपोटी झोपतो
दुःखाच्या चळणावरी
अनवाणी तुडवतो वाट
पायात नाही वहाण
बी बियाणांसाठी ठेवतो
तुकडा जमीन गहाण
नसे जरी खायला अन्न
तरी जमनीत बी पेरतो
नांगरणी बाप शेतात
सर्जा राजा संग करतो
करी लहरी निसर्ग राजा
आणून कधी वादळ
कधी सुखी बंजर जमीन
कधी ओला दुष्काळ
पहा कशी संकटे आली
पिके आलीत बहरून शेतात
कसा मिळेल बाजारभाव
चिंतातूर झाला विचारात
शेतकरी राजा राबला
शेतात भविष्यासाठी दिनरात
लाखांचा पोशिंदा बसला
घेऊनी दुःख पदरात
राबराब राबतो बळीराजा
खाई चटणी भाकरीचा घास
कंटाळून दारिद्र्याला लावून
झाडावर घेतो गळफास
सौ. रोहिणी अमोल पराडकर
कोल्हापूर
शेतकरी व्यथा | shetkari jagacha poshinda kavita
काव्यबंध समूह आयोजित
काव्यलतिका स्पर्धा
स्पर्धेसाठी
दिनांक:- ३१/०८/२०२३
विषय :- शेतकरी
शीर्षक – शेतकरी व्यथा
गरीब शेतकरी बिचारा
जीवाचं रान करतो
लेकरांना मोठं करतो
दुःख त्याला विचारा…..!
रात्रंदिवस कष्ट करतो
शेतातून धान्य पीकवतो
पै – पै जमवतो
संसाराला जगवतो……!
राब- राब राबतो
थकला भागला तर विसावतो
पोटाची खळगी भरण्यासाठी
परत बैलांना जुंपतो….!
अवकाळी आला पाऊस
दुष्काळ पडला तरी
कधीही डगमगत नाही
असा थोर माझा शेतकरी….!
साऱ्या जगाचा पोशिंदा
आपण म्हणतो सारे त्याला
चिकाटी आणि जिद्द
कायम शिकवून जातो आपल्याला….!
सायंकाळी सूर्य मावळतो
जीव थकून भागून जातो
घराकडे परततो
कोरभर भाकरी खाऊन झोपी जातो….!
वर्षा मागून वर्ष सरते
संसाराचा गाडा ओढता काय शिल्लक उरते
थकला तरीही काही जाणवू देत नाही
कष्ट त्या बिचाऱ्याचे आयुष्यभर संपत नाही…..!
मनापासून नमन
अशा थोर बळीराजाला
जगाला पोसणाऱ्या
महान शेतकरी राजाला….!
प्रा. सौ. शुभांगी सुभाष धुमाळ -रानवडे
मु. पो.उरुळी कांचन,ता. हवेली, जि. पुणे.
shetkari jagacha poshinda kavita
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह