अनिता मधुकर भोई आणि छाया नाळे भुजबळ यांच्या साप्ताहिक काव्यलेखन स्पर्धेत shetkari marathi caption विषयावर रजिस्टर झालेल्या उत्कृष्ट कविता येथे वाचा.
शेतकरी |shetkari marathi caption
स्पर्धेसाठी
काव्य बंध समूह आयोजित
दि ३१/८/२३
काव्य लतिका
प्रत्येक गुरुवारी होणारी स्पर्धा
विषय: शेतकरी
असे शेतकरी बळीराजा
कष्ट करायला उभा
राबराबतोच नित्य
असे पिकांमध्ये उभा
रब्बी बागायती शेती
करी आनंदाने राजा
असे त्याच्या सोबती
बैल करी गाजा वाजा
शेतकरी राहतोच
ताठ मानेने जगती
नसे त्यासम कोणीच
मिळे त्याच्या कार्या गती
आहे शेतकरी येथे
म्हणूनच आपणही
खातो चार घास मुखी
आणि सुखी जीवनही
घेई अनेक प्रकारे
पीक अलग अलग
करी समृद्ध आपली
शेती राहून सजग
देते साथ त्याला भार्या
त्याच्या प्रत्येक कार्यात
मिळे उभारी कामाला
असे पत्नीचं सोबत
नाही मिळत योग्यच
भाव त्याच्या उत्पन्नाला
तरी राहतो गप्पच
शेतकरी संकटाला
होते जेंव्हा निराशाच
पाय वाकडे वळते
करी विचार जगाचा
गळा फासच पडते
असा साऱ्यांचा पोशिंदा
नसे रे तमा कशाची
कोणी नाही ओळखले
अशी मूर्ती ही कष्टाची
कशी रे परतफेड
होई अशा पोशिंद्याची
किती मानावे आभार
कमी पडते शब्दांची
अनिता मधुकर भोई
कुरूंदवाड (कोल्हापूर)
अन्नदाता | shetkari marathi caption
काव्यबंद समूह आयोजित ,
विषय – शेतकरी
शीर्षक- अन्नदाता
शेतकरी राजा माझा महान
विसरतो स्वतःची भुक तहान
कष्ट करी कणखरतेने
मातीतून तो पिकवी सोने
याच्याच ठाई का नेहमी
तू देतो दुःख यातना
झोळीमध्ये नेहमीच आसू
सुख दे थोडे माझी याचना
मुलांप्रमाणे जपतो नेहमी
जागून तो पिकाला
हुरड्यात पीक जाई
दुष्काळाच्या घशाला
जगावे की मरावे हे
पडते प्रश्नचिन्ह
दाही दिशा मग
होतात त्या सुन्न
देणे फेडता फेडता
मागील या क्षणी
पिकवतो कोण,
कोण होतो धनी
राजा तो तटस्थ
लढतो प्रजेसाठी
संसाराचा गाडा हाकतो
मातीच्या मायेसाठी
माय धरित्री
जागी हो आता
लाभू दे मनास
थोडी शांतता
नभांचा तो
गडगडाट होऊ दे
मयुरांनी ते पंख पसरून
नर्तन सुंदर ते करू दे
रिमझिम जलधारा घेऊन
सर्वांची तृष्णा ती शमवून
मायेचा पदर तो धरून
लेकरे गेली आनंदून
उठ कृषक राजा
नको रागावूस
बघ तो आला
नव्याने पाऊस
हिरवे गालिचे पसरून खाली
धरा नव्याने रूप ते ल्याली
चहुकडे पसरली रंगावली
इंद्रधनुची उधळण झाली
आत्मविश्वास जागव अंतरात
लढण्यास तयार हो भवसागरात
तू खरा आमचा पिता अन्नदाता
सुखाने घे श्वास मोकळा तो आता
छाया नाळे भुजबळ
सातारा
shetkari marathi caption
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह