सौ .सुवर्णा पवार आणि के.पी.बिराजदार यांच्या साप्ताहिक काव्यलेखन स्पर्धेत Shikshak Din Marathi Shayari विषयावर रजिस्टर झालेल्या उत्कृष्ट कविता येथे वाचा.
गुरू | Shikshak Din Marathi Shayari
स्पर्धा करीता
काव्य बंध समूह आम्ही मराठी
काव्यलतिका
प्रत्येक गुरुवारी होणारी स्पर्धा
विषय = शिक्षक दिन
दिनांक = २४ ऑगष्ट २०२३
स्वरचित
काव्यप्रकार = दशाक्षरी
शीर्षक = गुरू
गुरू पुजन शिक्षक दिन
जीवनात प्रथमता स्थान ,
घडवले यशस्वीता मज
मला त्यांचा असे अभिमान….१
डॉ.राधाकृष्णन सर्वपल्ली
स्मरणार्थ हा शिक्षक दिन,
जीवन जगण्या घडवती
शिक्षकां चरणी होऊ लीन…..२
लहानपणी कच्च्या गोळ्यास
देती गुरू ज्ञानाचा आकार,
शिक्षक घडवी विद्यार्थ्याना
सत्कार्याचे करती संस्कार …..३
आत्मसात करूनिया ज्ञान
जीवनाचा जाई अंधकार ,
यशस्वी जीवन घडविण्या
विद्यार्थ्यांचा खरा शिल्पकार….३
बालपणी विद्यार्थी दशेत
आदर ठेऊ शिक्षकांप्रती,
शिक्षण कालावधीत मुलां
जीवन जगण्या मिळे गती …..४
ज्ञानार्जनाचे करीती काम
सन्मार्गाचे,संस्काराचे धडे,
सफलता देण्या जीवनात
सुनावती सत्य बोल खडे……. ५
महा ज्ञानाचे भांडार खुले
मुलां प्रगतीचा मार्ग दावी,
जीवनाचा खरा गुरुवर्य
शिक्षक शिष्य घडवी भावी…..६
सत्य ,सत्कार्य आणि अहिंसा
नव्या प्रकाशाची दावी वाट,
मुलां आयुष्यात उगवती
नव जीवन नवी पहाट…….७
शिक्षक असे साक्षात गुरू
राहु ज्ञान मंदिरी संगती ,
गुरुंचा आशिर्वाद लाभता
जीवनी होत राही प्रगती ……८
होऊया शिक्षकाप्रती लीन
जीवनात लाभे समाधान ,
जीवनात सतत पाठीशी
सत्य आचरण ठेवू भान ……९
जीवनाचा मार्ग दाखवती
ज्ञानाचे उघडती कवाड ,
अज्ञानाचा जाई अंधकार
संघर्षात ज्ञानाचा पहाड…….१०
सौ .सुवर्णा पवार , इचलकरंजी
जि. कोल्हापूर
माझा गुरू | Shikshak Din Marathi Shayari
काव्यबंध समूह
आम्ही मराठी साहित्याचे शिल्पकार
काव्यलतिका
विषय:-शिक्षक दिन
दि.२४.०८.२३
माझा गुरू
जीवनाचा शिल्पकार हा खरा गुरू
तिथून खरा जीवनमार्ग होतो सुरू
विना गुरू ज्ञान मिळणे होणे नाही
जागोजागी जीवनात लागतात गुरू
प्रथम जन्मदात्री आई असते गुरू
नंतर जीवनात शिक्षक असतो गुरू
आयुष्याच्या वाटेवर खडतर संकटे
संघर्षातुन धडा शिकवतात संकटे
दुःख आहे कायमचा शिक्षक आमचा
सतत पाठलाग करित असतो आमचा
जगी जगावयास लायक बनवतो
ज्ञानदानाने यशस्वी जीवन घडवतो
शिकवताना असतो सर्वधर्मसमभाव
तो कधी करित नाही कसला भेदभाव
सारी लेकरे आपलीच हि भावना असते
कुणाला जादा कुणाला कमी वृती नसते
गुरू ब्रम्हा- गुरू विष्णु-गुरू महेशा हा धर्म
गुरू हा साक्षात परब्रम्ह हेची मर्म
शिक्षक हाची एकाअर्थी पालक आमचा
जीवनप्रवासाचा मार्गस्थ चालक आमचा
गुरू आशिर्वाद आणि कृपा हाती मोक्ष
माणूस म्हणुन सन्मानित जगतो हि साक्ष
के.पी.बिराजदार
तुरोरी(धाराशिव)
shikshak din marathi shayari
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह