सौ.संघमित्रा सोरटे आणि सौ.अनिता डोंगरवार यांच्या साप्ताहिक काव्यलेखन स्पर्धेत Shikshak Din Nimitta Kavita विषयावर रजिस्टर झालेल्या उत्कृष्ट कविता येथे वाचा.
स्थान | Shikshak Din Nimitta Kavita
काव्यबंध समूह काव्य लतिका
दि.२४/८/२०२३
विषय..शिक्षक दिन.
शीर्षक.. स्थान.
कुणी लहान कुणी मोठा
नसे यांचे ठाई भेदभाव
मानवातही ठरे महान
शिक्षक त्यांचे नाव
साक्षर करणे हेच तयाचे
ध्येय जीवनी खरे
प्रगतीची शिखरे गाठता
शिष्यावर छत्र कौतुकाचे धरे
गिरऊन अक्षर एक,एक
शिकवी जीवन कला
विद्यादानाचे कार्य करुनी
घडवी यशस्वी नागरिक भला
पदोपदी देई महती
त्यांच्या थोर कार्याची
इतिहास शिकऊनी करती
पुनरावृत्ती नव्या इतिहासाची
आयुष्याचे गणित शिकविती
सर्व सोपे करुनी सूत्र
कधी होती गुरू प्रेमळ
तर क्षणात कठोर मित्र
सरस्वतीची करुनी पूजा
घडवी विद्यार्थी जिवनशिल्प
अखंडित करती सेवा
वाहून जीवन पुष्प
अनुभवाचे बोल सांगुनी
समृद्ध जीवन करती
शिक्षक होती कधी मायपिता
नतमस्तक होऊ चरणावरती
शिक्षित पिढी घडविण्यात
ठरे त्यांचे मोलाचे योगदान
करू साजरा दिन त्यांचा
देऊ सदैव मनमंदिरी स्थान.
सौ.संघमित्रा सोरटे. माळशिरस.सोलापूर.
माझे गुरुजी | Shikshak Din Nimitta Kavita
काव्यबंध समुह
काव्यलतिका
गुरुवारी स्पर्धा
दिनांक 24 /8 /2023
विषय- शिक्षक दिन
शीर्षक – माझे गुरुजी
शिक्षक दिनाला मनवु सारे
ज्यांनी आम्हांले घडविले
त्यांना वंदुया आदराने सारे
नतमस्तक होवुया त्यांच्यापुढे
ज्यांनी आव्हानाला सामोरे
जाण्याचे दिले धडे
गावातल्या शाळेत होतो शिकत
गुरुजी आमचे होते मोठे कडक
मनाने होते एकदम नरम
पोरं शिकावी म्हणून होते गरम
गुरुजींची पुण्याई म्हणून जीवनात गाठलो शिखर
आठवते अजून पहिली दुसरीत होतो
रोज शाळेत यावं म्हणून चॉकलेट देत असत
गाव खेड्यातील पोरं शिकवी म्हणुन
घरी येवुन विचारपूस करत
बळीराजाच्या पोरावर जास्त नजर
शिकले पोरं तर बळीराजा सुखावल
नाही भेटल नोकरी तर जोडधंदा शोधल
शिकतील गावची पोरं
इतिहास घडवतील नवं
शहरातील पोरं अभ्यासात हुशार
गावची पोरं कष्ट न् बुध्दीनं हुशार
जाणुन होते गुरूजी म्हणुन
पोरांना घडविण्यात जीवन सार्थक करीत
शिक्षक दिनाचे मानकरी
सावित्रीबाई फुले व माझे शिक्षक
यांना विनम्र अभिवादन
सौ.अनिता डोंगरवार
मु्.पो. जि. गोंदिया
shikshak din nimitta
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह