विजय तानाजी पाटील आणि पद्माकर दत्तात्रेय वाघरुळकर यांच्या साप्ताहिक काव्यलेखन स्पर्धेत diwali acrostic poems in marathi विषयावर रजिस्टर झालेल्या उत्कृष्ट कविता येथे वाचा.
diwali acrostic poems in marathi
काव्यबंध समुह आयोजित
काव्यलतिका
स्पर्धेसाठी स्वरचित कविता
२९/१०/२०२३
विषय:- सण दिव्यांचा
🪔🪔🪔🪔🪔🪔🪔🪔
सण दीपावलीचा,
सण आनंदाचा..
सण हा हर्षाचा,
सण हा वर्षाचा…
🪔🪔🪔🪔🪔🪔🪔🪔
आम्रपर्ण अन झेंडूचे तोरण,
शोभे प्रवेशद्वारी..
रंगीबेरंगी रांगोळी नटून
स्वागतास उभी दारी…
🪔🪔🪔🪔🪔🪔🪔🪔
डोले घरादारावर ,
मिणमिणत्या दिव्यांची आरास..
उभा गच्चीवर,
आकाशकंदील ऐटीत खास…
🪔🪔🪔🪔🪔🪔🪔🪔
कोपऱ्यात बालगोपालांचा किल्ला,
मावळ्यांसोबत गर्वाने उभा…
तिथे आरास व मस्ती करण्यास,
असे त्यांना पूर्ण मुभा…
🪔🪔🪔🪔🪔🪔🪔🪔
भल्या पहाटे होई,
उटण्यासोबत अभ्यंगस्नान..
मग फटाके फोडण्याचा,
आनंद घेती सारे बनूनी लहान…
🪔🪔🪔🪔🪔🪔🪔🪔
नवीन कपड्यावरी,
अत्तराचा फाया..
लहानथोर सोबत बसती,
फराळाचा आनंद घ्याया…
🪔🪔🪔🪔🪔🪔🪔🪔
यानंतर मात्र होई,
बालगोपालांसोबत शेतावर फेरी..
गावाकडील मंडळींसोबत,
गप्पा अन फराळाची बारी…
🪔🪔🪔🪔🪔🪔🪔🪔
पाडव्याला होई ,
सौभाग्यवतीकडून औक्षण ..
बहिणभावाच्या नात्यात ,
गोडवा वाढवी भाऊबीजेचा सण …
🪔🪔🪔🪔🪔🪔🪔🪔
सण दीवाळीचा,
खरंच असे मोठा,
नाही आनंदास,
यात काही तोटा…
🪔🪔🪔🪔🪔🪔🪔🪔
संपता दिवाळीसण ,
पाखरे उडूनी जाती सारी…
आजी-आजोबा राही एकटी,
दिवाळी आठवत आपल्या घरी…
🪔🪔🪔🪔🪔🪔🪔🪔
✍️विजय तानाजी पाटील (तासगाव )✍️
diwali acrostic poems in marathi
काव्यबंध समूह आयोजित रविवारीय काव्यलतिका ‘स्पर्धेसाठी’
दि.२९अॉक्टोबर २०२३ रविवार
विषय- सण दिव्यांचा
सरताच दसरा तो
वेध दिवाळी लागते
दीपावली स्वागताला
जणू तयारी ती होते १
चार दिवसांचा सण
क्षणोक्षण आनंदाचा
आहे कारण खासच
तोच जो सण दिव्यांचा २
दारोदारी लटकते
छान आकाश कंदील
विविधांगी रंगछटा
सर्व जना मोहवील ३
वसुबारसेपासून
होई सणा सुरूवात
गाय वासरा पुजून
भूतदया मांगल्यात ४
धन त्रयोदशी दिन
पूजा धन्वंतरीसाठी
होई दक्षिण दिशेला
दीपदान यमापाठी ५
नरकाची चतुर्दशी
भल्या पहाटे उठणे
घरी करून उटणे
स्नान अभ्यंग करणे ६
अश्विनाची अमावस्या
लक्ष्मी मातेचे पूजन
धन कुबेर शारदा
वंदिदात सर्वजन ७
होई दिव्यांची आरास
पणतीचे दिवे दिसे
तम सारण्या जगाचा
सर्वां प्रकाश तो वसे ८
बली प्रतिपदा दिन
कुणी म्हणती पाडवा
पुजुनिया गोवर्धन
बळीराजा तो गोडवा ९
खास दिन भाऊबीज
प्रेम बहीण भावाचा
ओवाळून ती बहीण
स्नेह जुळे आयुष्याचा १०
असा सण आनंदाचा
छान साजरा तो करू
विश्व बंधुत्वाचा ध्यास
तनमन तमा मारू ११
✍️पद्माकर दत्तात्रेय वाघरूळकर (दत्तिंदुसुत) छत्रपती संभाजीनगर. मो.क्र.९७३०७९८२७९🤝
diwali acrostic poems in marathi
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह
मंगल राजाराम यादव यांची साप्ताहिक काव्यलेखन स्पर्धेत marathi love poem shayari in 2024 विषयावर रजिस्टर…
श्री विजय तानाजी पाटील यांची साप्ताहिक काव्यलेखन स्पर्धेत love poem on rain in marathi in…
श्री.मच्छिंद्र रत्नाकर झुरंगे यांची साप्ताहिक काव्यलेखन स्पर्धेत cute love poem in marathi in 2024 विषयावर…
जयद्रथ आखाडे यांची साप्ताहिक काव्यलेखन स्पर्धेत love poem for her in marathi in 2024 विषयावर…
प्रतिक्षा परमेश्वर थोटे यांची साप्ताहिक काव्यलेखन स्पर्धेत love athavan poem in marathi in 2024 विषयावर…
अनंत वा तेलंग यांची साप्ताहिक काव्यलेखन स्पर्धेत funny love poem in marathi in 2024 विषयावर…