सौ. मोहिनी संजय डंगर यांची साप्ताहिक काव्यलेखन स्पर्धेत Maharathi Karn Marathi Kavita in 2024 विषयावर रजिस्टर झालेली उत्कृष्ट कविता येथे वाचा.
Maharathi Karn Marathi Kavita in 2024
काव्यबंध समूह आयोजित काव्यलतिका रविवारीय काव्य स्पर्धेसाठी
दि.३मार्च२०२४ रविवार
विषय- महारथी कर्ण
नसेल मी पांडवांपैकी एक
पण कुंतीच माझी आई होती
सुर्यवंशी असलो तरी
सूतपुत्र म्हणून ख्याति होती
राधामाइचा वसु
कुंतीमातेने दूर केले
एक जन्मदात्री एक कर्मदात्री
गंगामाईचे प्रेम लाभले
क्षत्रिय म्हणून अमान्य मी
पण सर्वगुणसंपन्न होतो
सूर्यासारखा तेजस्वी तरी
नशिबाने अभागी होतो
नाकारले द्रोणाचार्यांनी
तरी सर्व विद्या पारंगत झालो
खचलो कितीदा शब्दांच्या वारांनी
जरी अभेद्य म्हणून जन्मा आलो
अर्जुनाचा द्वेष मनी
युधिष्ठिरासाठी कोडे होतो
भीमाची ताकद कमी माझ्यापुढे
असा मी बलशाली होतो
दबला गेलो राजकारणात
ओळख माझी पुसली
म्हणूनच कदाचित पांडवांच्या विनाशाची
इच्छा मनी ठसली
कौरवांचा मित्र असलो
तरी अन्यायाविरुद्ध होतो
सारथी पुत्र नावाला
मी पराक्रम सिद्ध होतो
पण…पण कृष्ण त्यांचा सारथी
सर्वज्ञानी भारी
भूत,भविष्य,वर्तमानाची
त्याचाच हाती दोरी
खेळ असा खेळला त्याने
ज्ञान अर्जुना दिले
रणांगणात सर्वांच्या
कर्माचे पाढे वाचले
दानशूर असलो तरी
ज्ञानार्जनाची शिक्षा मज भोवली
एका गायीच्या शापाने
माझ्या पुण्याची पाटी पुसली
वचन देऊन कुंती मातेला
झाली माझीच चूक
सहन केला अन्याय
राहून सदैव मूक
काय असावा गुन्हा माझा
का असा दुर्लक्षित राहिलो
हक्क,अधिकारापासून वंचित
महारथी मी कर्ण जाहलो
इतिहास आहे साक्ष
मी योद्धा अप्रतिम होतो
एकच कमतरता माझ्यात
मी वचनाचा अधीन होतो
मी……मी वचनाचा अधीन होतो !!!!!
सौ.मोहिनी संजय डंगर
रायगड
Maharathi Karn Marathi Kavita in 2024
THE END
जर आपल्याला देखील कविता किंवा साहित्य लिहिण्याचा छंद असेल आणि आमच्या मासिक कविता स्पर्धांमध्ये तुम्हाला भाग घ्यायचा असेल तर आम्हाला नक्की कळवा. तुम्ही आम्हाला 7020965224 या नंबर वर Whats App करू शकता. किंवा खाली दिलेल्या लिंक वर क्लिक करून संपर्क साधू शकता.
नवनवीन साहित्य तुमच्या पर्यंत आणण्यासाठी आम्ही सदैव तत्पर असतो. मराठी भाषेचा ऱ्हास होऊ नये यासाठी तिचे लेखन, वाचन, मनन केले पाहिजे अशी आमची धारणा आहे. तुम्ही देखील या कार्यात सहभागी होऊ शकता.
आमच्या इतर कविता वाचा.
लग्न म्हणजे काय असते ?
लेकी साठी सुंदर चारोळ्या संग्रह
मंगल राजाराम यादव यांची साप्ताहिक काव्यलेखन स्पर्धेत marathi love poem shayari in 2024 विषयावर रजिस्टर…
श्री विजय तानाजी पाटील यांची साप्ताहिक काव्यलेखन स्पर्धेत love poem on rain in marathi in…
श्री.मच्छिंद्र रत्नाकर झुरंगे यांची साप्ताहिक काव्यलेखन स्पर्धेत cute love poem in marathi in 2024 विषयावर…
जयद्रथ आखाडे यांची साप्ताहिक काव्यलेखन स्पर्धेत love poem for her in marathi in 2024 विषयावर…
प्रतिक्षा परमेश्वर थोटे यांची साप्ताहिक काव्यलेखन स्पर्धेत love athavan poem in marathi in 2024 विषयावर…
अनंत वा तेलंग यांची साप्ताहिक काव्यलेखन स्पर्धेत funny love poem in marathi in 2024 विषयावर…